હેડ ક્લાર્ક પેપર લીક થયાના મામલે મોટા સમાચાર, રદ થઈ શકે છે પરીક્ષા

• હેડકલાર્કની પરીક્ષાના પેપરલીકનો મામલો
• જયેશ ઉર્ફે મુકેશ પટેલની પેપર લીક કેસમાં સંડોવણી
• હેડ ક્લાર્કની પરીક્ષા થઇ શકે છે રદ્દ 
• પેપર તપાસ ટીમે 12 લોકોની પુછપરછ કરી

કોણે ફોડ્યું હતું પેપર? કોની કોની થઇ પૂછપરછ?

હેડ ક્લાર્કના પેપરલીક કેસમાં મોટો ખુલાસો થયો છે. જયેશ ઉર્ફે મુકેશ પટેલની પેપરલીક કેસમાં સંડોવણી સામે આવી છે. સૂત્રો દ્વારા મળતી માહિતી અનુસાર, જયેશ પટેલે પેપર ફોડ્યુ હોવાનું સામે આવી રહ્યું છે. જયેશ સામે પ્રાંતિજ પોલીસમાં એક ફરિયાદ નોંધાયેલી છે. તો આમાં દેવલ પટેલ નામના શખ્સની પણ સંડોવણી છે. દેવલ પટેલ જયેશ પટેલનો ભત્રીજો છે. કાકા-ભત્રીજા બંને હાલમાં સંપર્ક બહાર છે. તો અન્ય 12 જેટલા લોકોની શંકાના દાયરામાં છે.

હેડ ક્લાર્ક પેપરકાંડમાં 12 શંકાસ્પદોની પુછપરછ કરી છે. આ લોકો સંડોવાયેલા છે કે નહીં તેની તપાસ ચાલી રહી છે. વીટીવી પાસે પોલીસ તપાસ કરેલા 12 લોકોના નામ સામે આવ્યા છે. તપાસ ટીમે ઉંછાના ફાર્મ હાઉસના માલિક, પ્રાંતિજના બાલિસણા ગામના ડૉક્ટર, ઉંછા ગામના એક વ્યક્તિ, હિંમતનગરના બોરાણા ગામના બે ભાઇ, ખેડબ્રહ્માના પિપોદરા ગામના શિક્ષક, હિંમતનગરના એક વ્યક્તિ, સલાલ ગામના સીઆરસી શિક્ષક અને તલોદમાં એક શિક્ષકની પુછપરછ પણ પોલીસ દ્વારા કરવામાં આવી છે.

વધુ માહિતી માટે આહિ ક્લિક કરો